Mennirnir tveir sem lögreglan leitaði og fann á hóteli á höfuðborgarsvæðinu greindust ekki með COVID-19, eins og samferðamenn þeirra tveir gerðu í gær. Þetta staðfestir Víðir Reynisson yfirlögregluþjónn í samtali við mbl.is.

Þá staðfestir Víðir einnig að mennirnir sex komu til Íslands með flugi frá London.

Mennirnir verða fluttir í farsóttarhúsið við Rauðarárstíg í miðbæ Reykjavíkur síðar í dag og þangað fara einnig þeir þrír sem hafa verið í haldi lögreglu síðan á föstudaginn. Tveir af þeim hafa greinst með COVID-19. Í farsóttarhúsinu verða því samtals fimm af þeim sex Rúmenum sem komu til landsins í síðustu viku og brutu með ferðum sínum lög um sóttkví komumanna vegna kórónuveirufaraldurs.

Hins sjötta er enn leitað, Pioaru Alexandru Inonut, en lögreglan kveðst vilja hafa uppi á honum af bæði sóttvarnasjónarmiðum en einnig til þess að tryggja öryggi hans ef hann skyldi vera sýktur af kórónuveirunni.

Lögreglan leitar enn að Pioaru Alexandru Inonut. Ljósmynd/Lögreglan

Upphaflega komu allir sex mennirnir til Íslands saman í hópi en skiptust að því er virðist í tvo hópa. Þrír þeirra voru handteknir fyrir búðarhnupl á föstudaginn og í hádeginu daginn eftir kom í ljós að tveir þeirra voru með COVID-19. Í ljósi þess var ráðist í leit að hinum þremenningunum til þess að koma í veg fyrir að þeir breiddu út smit í samfélaginu. Tveir þeirra voru samkvæmt ofangreindu ekki með COVID-19.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Reglur um sóttkví brotnar

Segir eftirlýsinguna litast af útlendingahatri

• „Við gerðum aldrei mistök“
• Bíða í óvissu í sóttvarnahúsinu
• Greindust fyrst smitlausir en svo smitaðir
• Þrír lögregluþjónar smitaðir

» Fleiri tengdar fréttir

• Blogga um frétt