„Þetta er gríðarlega mikill heiður og ég er stoltur af því að taka við þessu fyrir hönd þess stóra hóps sem hefur unnið að þessu verkefni í svo langan tíma,“ segir Víðir Reynisson, yfirlögregluþjónn hjá almannavörnum, í samtali við mbl.is. Hann var sæmdur heiðursmerki hinnar íslensku fálkaorðu í dag ásamt hinum tveimur úr þríeykinu svokallaða, Ölmu Möller og Þórólfi Guðnasyni. 

Frétt af mbl.is

Þríeykið fékk fálkaorðuna

„Almannavarnir fá þessa viðurkenningu og ég tek líka við henni sem lögreglumaður og er mjög stoltur af því að taka við henni fyrir hönd okkar lögreglumanna. Í mínu tilfelli er þetta alls ekki eitthvert eins manns verk. Slagorðið okkar er að við erum öll almannavarnir og það á svo sannarlega við í þessu því öll sem tóku þátt í þessu verkefni eiga þessa viðurkenningu skilið.“

Þórólfur, Alma og Víðir taka sig vel út með fálkaorðurnar. mbl.is/Íris Jóhannsdóttir

Mætti einfaldlega í vinnuna og gerði sitt besta

Spurður hvort hann hafi búist við að fá fálkaorðuna þegar kórónuveiran fór fyrst að breiðast út hér á landi í lok febrúar segir Víðir:

„Ég var ekkert að hugsa um það. Maður mætti bara í vinnuna á hverjum degi, gerði sitt allra besta og lagði sig allan í það.“

Að lokum hrósar hann þjóðinni fyrir samstöðuna í faraldrinum hingað til. 

„Þetta er viðurkenning til okkar allra fyrir það hvernig við stóðum saman í þessu.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt