Niðurstöður verkefnisins GróLindar sýna að 25% Íslands teljast til svæða þar sem vistfræðileg virkni er mikil og rof takmarkað.
Aftur á móti teljast 45% landsins á svæðum þar sem virkni vistkerfa er takmörkuð, rof mjög mikið eða hvort tveggja. 38% af beitarsvæðum landsins lenda í bestu tveimur ástandsflokkunum og 39% í tveimur verstu ástandsflokkunum, samkvæmt skilgreiningu.