„Níu árum og níu milljörðum síðan“
Setja bókamerki
Tengdar fréttir
Borgarlínan
Miðflokksmenn héldu uppi málþófi á Alþingi í nótt en þingfundur um samgönguáætlun stóð til klukkan tuttugu mínútur yfir þrjú í nótt. Þá voru Miðflokksmenn samfleytt í pontu í um sex klukkustundir og fluttu því erindi hver á eftir öðrum, þar til Steingrímur J. Sigfússon, forseti Alþingis, greip inn í.
„Forseti hvetur því háttvirta þingmenn til að hugleiða hvort þeir geti nú ekki þjappað sínum sjónarmiðum þannig saman að þegar þessari umræðu heldur fram á næsta fundi, þá taki það ekki langan tíma,“ sagði Steingrímur áður en hann sleit fundi.
Þingmenn Miðflokksins hafa lýst sig andsnúna samgönguáætluninni sem er gerð til fimm ára. Kváðust þeir flestir hverjir mótfallnir þeirri uppbyggingu sem fram á að fara á almenningssamgöngum en Ólafur Ísleifsson, þingmaður Miðflokksins, sagði það hafa verið fyrir „níu árum og níu milljörðum síðan“ að ráðist var í slíka uppbyggingu sem hefði litlu skilað.
„Þetta er allt rangt“
Píratar sögðust afar hlynntir uppbyggingu almenningssamgangna en Björn Leví Gunnarsson, þingmaður Pírata, vísaði á bug fullyrðingum um að hluti almenningssamgangna, þá helst borgarlínu, í áætluninni væri of dýr og myndi ekki skila tilætluðum árangri.
„Þetta allt er rangt,“ sagði Björn Leví og vísaði til greiningar frá árinu 2013 sem bendir til þess að mikill ávinningur verði af því að fara í uppbyggingu á borgarlínu og sömuleiðis sé ávinningurinn af þéttingu byggðar mikill.
Tengdar fréttir
Borgarlínan
Leiðindaveður yfir jólahátíðina
Veðurspáin mjög slæm: Ökumenn fari varlega
Ríkisstjórnin ekki beint á leiðinni í jólafrí
Fundaði með starfsfólki í fjóra tíma í gær
Tilfellum RS-veiru fjölgar verulega
Íslendingar vanir að klæða sig vel
„Umferðin greinilega að þyngjast“
Nokkur útköll hjá Landsbjörg