Jarðskjálfti, 5,3 að stærð, varð 18,1 km norðvestur af Gjögurtá klukkan 15:05. Skjálftinn fannst vel á Siglufirði, Akureyri, Ólafsfirði, Hrísey og á Hofsósi. Fjöldi eftirskjálfta hefur komið í kjölfarið, sex þeirra stærri en 3 og sá stærsti 3,9. 

Fyrstu mælingar bentu til að skjálftinn væri á bilinu 5,2 til 5,6 að stærð en yfirfarin gögn sýna að skjálftinn var af stærðinni 5,3. 

Skjálfta­hrina hef­ur staðið yfir á Tjörnesbrotabeltinu síðan um há­degi í gær en á milli klukk­an sjö og átta í gær­kvöldi færðist aukið líf í hrin­una. 33 skjálft­ar yfir 3 að stærð hafa orðið síðan klukk­an sjö í gær­kvöldi.

Frétt af mbl.is

12 snarpir skjálftar á 12 klukkustundum

Skjálft­ar á svæðinu eru orðnir um 450 á inn­an við sól­ar­hring. Almannavarnir segja viðbúið að fleiri stærri skjálftar geti orðið á svæðinu og þetta sé því góð áminning fyrir íbúa og þá sem þarna eru staddir að yfirfara varnir og viðbúna vegna. Bakvakt á vegum almannavarna er til taks ef þörf er á.  

Fréttin hefur verið uppfærð. 

Tengdar fréttir

Jarðskjálftar á Norðurlandi

Óvenjuleg skjálftahrina við Hrísey

• Skjálftahrina norður af Gjögurtá
• Fjöldi eftirskjálfta — einn 3,3 að stærð
• Stærsti skjálftinn síðan 21. júní
• Stærsti skjálftinn í rúma viku

» Fleiri tengdar fréttir

• Blogga um frétt