Eftir þriggja mánaða stopp fóru Kynnisferðir í gær í fyrsta leiðangurinn með erlenda ferðamenn út á land. Vegna kórónaveirunnar hefur ferðaþjónustan verið í dái, en er nú að komast aftur á skrið.

„Þetta er gleðidagur,“ segir Haukur Júlíusson hjá Kynnisferðum í Morgunblaðinu í dag. Ellefu manns af ýmsu þjóðerni voru í hópnum sem fór Gullhringinn; það er Þingvelli, Geysi og Gullfoss og kom í bæinn síðdegis.

Út júlímánuð verða Kynnisferðir aðeins með á áætlun ferðir um Gullna hringinn og suðurströndina; það er úr Reykjavík og austur í Vík í Mýrdal. Farið er eftir bókunum hverju sinni. Íslendingar eru svo farnir að stimpla sig inn og spyrja talsvert um ferðir í Þórsmörk og Landmannalaugar.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir