Almannavarnir ríkislögreglustjóra fylgjast grannt með gangi mála vegna mikillar skjálftavirkni á Norðurlandi. Enn er ekki tilefni til að virkja samhæfingarmiðstöð almannavarna.

Frétt af mbl.is

Enn stærri skjálfti fyrir norðan

Rögnvaldur Ólafsson, aðalvarðstjóri, segir að enn hafi ekki orðið slys á fólki, en óvissustigi var lýst yfir fyrr í dag. 

„Það voru engar tilkynningar um slys eða tjón svo það er ennþá ekki ástæða til að virkja samhæfingarmiðstöð. Við erum hérna á vaktinni og þau fyrir norðan líka. Við metum ástandið, fylgjumst með og erum tilbúin til að virkja ef þess þarf,“ segir Rögnvaldur. 

„Það er áfram óvissustig og við fylgjumst mjög grannt með.“

Skjálfta­hrina hef­ur staðið yfir á Tjör­nes­brota­belt­inu síðan um há­degi í gær en á milli klukk­an sjö og átta í gær­kvöldi færðist aukið líf í hrin­una.

Jarðskjálfti, 5,3 að stærð, varð 18,1 km norðvest­ur af Gjög­ur­tá klukk­an 15:05. Skjálft­inn fannst vel á Sigluf­irði, Ak­ur­eyri, Ólafs­firði, Hrís­ey og á Hofsósi.

Þá varð ann­ar stór skjálfti á svipuðu svæði um klukkan 19:26. Fyrstu mæl­ing­ar gefa til kynna að skjálft­inn hafi verið 5,6 af stærð. Skjálft­inn fannst víða, allt vestur í Búðardal og á Ísafirði, suður á Akranesi og austur á Seyðisfirði. 

Tengdar fréttir

Jarðskjálftar á Norðurlandi

Óvenjuleg skjálftahrina við Hrísey

• Skjálftahrina norður af Gjögurtá
• Fjöldi eftirskjálfta — einn 3,3 að stærð
• Stærsti skjálftinn síðan 21. júní
• Stærsti skjálftinn í rúma viku

» Fleiri tengdar fréttir

• Blogga um frétt