Samninganefndir Félags íslenskra hjúkrunarfræðinga og ríkisins setjast aftur saman að samningaborðinu hjá ríkissáttasemjara klukkan 14 í dag. Þetta staðfestir Aðalsteinn Leifsson ríkissáttasemjari í samtali við mbl.is. Náist ekki að semja hefst ótímabundið verkfall hjúkrunarfræðinga klukkan 8 í fyrramálið. 

Hlé var gert á viðræðum síðdegis í gær og hafa samninganefndirnar fundað í sitt hvoru lagi. Nefndirnar vinna með úrlausnarefni og álitaefni frá ríkissáttasemjara í farteskinu. 

Verkfall hjúkrunarfræðinga mun ná til tæplega þrjú þúsund hjúkrunarfræðinga og hafa mikil áhrif á starfsemi heilsugæslunnar og heimahjúkrunar, svo dæmi séu nefnd. Verkfallið mun einnig hafa áhrif á skimun á Keflavíkurflugvelli og hefur Alma D. Möller landlæknir sagt að mik­il­vægt sé að samningsaðila nái sam­an í viðræðum fyr­ir morgundaginn en ella þurfi að reiða sig á und­anþágur.

Frétt af mbl.is

Reiða sig á undanþágur ef verkfall verður

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

• Blogga um frétt