Sexy áir og Kiddi vídeófluga græðir

Þegar farið er frá Egilsstöðum til Borgarfjarðar eystri er fyrsti áningarstaðurinn gjarnan á Bóndastaðahálsinum. Skammt frá Hrollaugsstöðum er að finna kynlegan sjálfsala, þar sem kaupa má sælgæti og gos.

Þessi sjálfsali er á vegum einskis annars en Kidda vídeóflugu, Kristins Kristmundssonar. Sjálfsalinn notar sólarorku og rekur sig að öðru leyti sjálfur, þannig að framlegðin mun vera nokkuð góð.

Fréttaritari mbl.is, Sigurður Aðalsteinsson, átti leið um svæðið í morgun og hitti þar fyrir saumaklúbbinn Sexy. „Þær voru á leið í Borgarfjörð til að sinna áhugamálinu og drekka um leið í sig borgfirska menningu samfara saumaskapnum,“ skrifar hann. Saumaklúbburinn fékk sér hressingu við sjálfsalann.

Voru kílómetrar í næsta rafmagn

Sjálfsalinn er frá því rétt eftir aldamót og í viðtali við Morgunblaðið árið 2003 lýsti Kiddi tildrögunum á þessa leið: 

„Ég fékk þessa hug­mynd um alda­mót­in og það var farið að hrjá mig svo mikið að prófa þetta að ég var vak­inn og sof­inn með þessa hug­mynd í höfðinu,“ seg­ir Krist­inn. „Þá var ekk­ert annað en að rjúka í málið. Ég hringdi í Kók og spurði hvort ég gæti fengið hjá þeim einn gaml­an, lít­inn sjálfsala og það var ekk­ert mál, hann var kom­inn tíu dög­um seinna. Húsið smíðaði ég og það var sett á sinn stað laust fyr­ir versl­un­ar­manna­helgi í fyrra.“.

„Það sem er sniðugt við þetta dæmi er hvernig ég leysi raf­orkuþörf­ina,“ held­ur Krist­inn áfram. „Á Hroll­laugs­staðaháls­in­um eru nefni­lega fleiri kíló­metr­ar í næsta raf­magn og því fór ég út í að nota tækni sem ég hef verið að leika mér með, það er að safna orku sól­ar og vinds inn á geyma og breyta síðan í 220 volta spennu. Ég er með tvær 70 og 53 w sól­ar­orkuraf­hlöður og bætti 100 w vindrellu við um dag­inn. Þetta sýn­ist mér ætla að duga vel til að láta sjálfsal­ana ganga á. Mér hafa borist skemmti­leg­ar sög­ur af hús­inu frá byrj­un. Sum­ir héldu víst að þetta væri kam­ar, kíktu inn og komu al­veg dol­falln­ir út aft­ur með kók­dós í hendi. Ég er með gesta­bók og ein­hver spurði í henni hvenær nammisjálfsal­inn kæmi. Ég keypti einn full­kom­inn sæl­gæt­is­sjálfsala í vor og hann vek­ur mikla lukku.“

• Blogga um frétt