Katrín Jakobsdóttir forsætisráðherra segir að helstu fréttir í nýrri aðgerðaáætlun stjórnvalda í loftslagsmálum séu að markmiðin sem sett voru árið 2018 séu raunhæf. Þetta hafi útreikningar sérfræðinga á síðustu tveimur árum sýnt fram á. „Við teljum okkur geta náð þeim markmiðum sem við settum okkur,“ sagði Katrín á kynningarfundi í dag.

Fyrri aðgerðaáætlunin var kynnt í september 2018, en þar voru þau markmið sett fram að ná markmiðum Parísarsáttmálans fyrir árið 2030, en í því felst að draga úr losun kolefnis um 29% miðað við árið 2005. Reyndar verður horft til þess að draga úr losuninni um 40% hér á landi samkvæmt nýju áætluninni. Þá er einnig markmið um þjóðfélagið verði kolefnishlutlaust fyrir árið 2040.

Katrín sagði að fyrir tveimur árum hafi ríkisstjórnin rennt nokkuð blint í sjóinn með markmiðin og náð forskoti í alþjóðlegri umfjöllun um þessar áætlanir. Sagði hún að þá hefðu stóru línurnar verið kynntar, en þær hafi verið svo unnar nánar auk þess sem nú séu fjölbreyttari aðgerðir settar fram.

Í nýju áætluninni kemur fram að markmiðið er að draga úr losun um 40% fyrir árið 2030, en að samdrátturinn gæti orðið allt að 46%.

Sagði Katrín að þrátt fyrir að verkefnið í tengslum við loftslagsmálin væri ógnvænlegt verkefni, þá gæfi þessi staða henni orku og bjartsýni. „Það er hægt að ná árangri,“ sagði hún.

Tengdar fréttir

Loftslagsvá

Norrænu ríkin verði að grípa til aðgerða

• „Víðsfjarri“ markmiðinu árið 2030
• Carbfix hlýtur Nýsköpunarverðlaun Íslands
• Bráðnun jökla breytir landamærum Sviss og Ítalíu
• Greenpeace gagnrýna Norðmenn

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Slæmar fréttir
• Páll Vilhjálmsson: Katrín og sérfræðifáviskan