Enn dregur úr skjálftavirkninni
Senuþjófur næturinnar er jarðskjálfti 3,1 að stærð sem varð um klukkan hálfeitt í nótt í grennd við Eldeyjarboða á Reykjaneshrygg. Heldur dregur úr jarðskjálftavirkninni við mynni Eyjafjarðar.
Kort/Veðurstofan
Setja bókamerki
Jarðskjálftahrinan við mynni Eyjafjarðar er enn yfirstandandi en heldur dró úr skjálftavirkninni í nótt. Enginn jarðskjálfti stærri en þrír hefur mælst frá miðnætti á Norðurlandi en skjálfti 3,1 að stærð varð um klukkan hálfeitt í nótt í grennd við Eldeyjarboða á Reykjaneshrygg.
Stærsti jarðskjálftinn við mynni Eyjafjarðar síðasta sólarhring mældist 3,4 og varð hann klukkan 10:15 í gærmorgun.
Samkvæmt upplýsingum frá Veðurstofunni hafa yfir 4.500 skjálftar mælst frá því hrinan hófst um hádegi á föstudag. Heldur hefur þó dregið úr henni en 10 jarðskjálftar, þrír eða stærri, hafa mælst undanfarna tvo sólarhringa.
Enn mælist þó mikið af minni skjálftum á svæðinu og áfram eru líkur á því að fleiri stærri skjálftar muni verða.
Myndir: Grindavíkurvegur aftur undir hraun
Drónamyndskeið frá hápunkti gossins í nótt
Maskína: Framsókn í fallbaráttu
Börn hafi engan rétt á leikskólakennslu
Hluti bílastæðis undir hraun: Ómögulegt að meta tjón
Litlar líkur á að hraunið nái til mannvirkja
Mæðgur dæmdar til að greiða 64 milljónir