Ólöf er fyrsti menningarfulltrúi Garðabæjar

Ólöf Breiðfjörð hefur hafið störf sem menningarfulltrúi Garðabæjar. Staðan er ný af nálinni og er ætlað að efla starfsemi Hönnunarsafns Íslands, Bókasafns Garðabæjar, minjagarðsins Hofs, burstabæjarins Króks og aðra starfsemi á sviði menningar í bænum, að því er fram kemur í tilkynningu frá Garðabæ.

Undanfarin fjögur ár hefur Ólöf starfað sem viðburðastjóri Menningarhúsanna í Kópavogi þar sem hún byggði upp menningarstarf í bænum með sérstaka áherslu á börn og fjölskyldur en Elísabet Indra Ragnarsdóttir hefur verið ráðin í stað Ólafar. Ólöf var kynningarstjóri Þjóðminjasafnsins um nokkurra ára skeið en hún er þjóð- og safnafræðingur að mennt.

Frétt af mbl.is

Elísabet Indra ráðin verkefna- og viðburðastjóri menningarmála

„Ég er mjög spennt fyrir að takast á við að innleiða breytingar í menningarlífinu í Garðabæ og það er vissulega ansi mikið verk fram undan og starfið mikil áskorun. Fyrir fjórum árum þegar ég hóf störf í Kópavogi stóð ég einnig frammi fyrir miklum áskorunum í þá veru að koma á betra samstarfi milli ólíkra menningarstofnana og það var einmitt það sem heillaði mig við starfið í Garðabæ; að fá að byrja með næstum tómt blað og móta og þróa í þá átt að blómlegt menningarstarf verði að veruleika í Garðabæ. Sérstaðan hér er auðvitað Hönnunarsafn Íslands og minjagarðurinn og hvort tveggja eru staðir sem eiga erindi við alla, óháð búsetu,“ segir Ólöf.

• Blogga um frétt