Algengast er að laun framkvæmdastjóra eða sveitarstjóra í 56 sveitarfélögum hafi verið á bilinu 1.101 til 1.700 þúsund kr. á mánuði í fyrra.
Lægstu launin voru undir 500 þúsund kr. en hæstu launin voru 2,1 millj. kr. skv. nýbirtri könnun Sambands ísl. sveitarfélaga. Í 11 sveitarfélögum voru laun þeirra á bilinu 1,5 til 1,7 milljónir kr. Starfstengdar greiðslur sveitarstjóra voru frá undir 50 þús. kr. og upp í 250 þús. kr. á mánuði.
Algengustu mánaðarlaun sveitarstjórnarfulltrúa voru 55 til 99 þús. kr. en í tveimur sveitarfélögum voru mánaðarlaun þeirra 400 þús. eða hærri. Ítarlegri umfjöllun um könnunina er að finna á fréttavef Morgunblaðsins, mbl.is.