Guðlaug Líney Jóhannsdóttir, formaður Flugfreyjufélags Íslands, segir gott að afstaða félagsmanna í garð kjarasamnings við Icelandair sé komin á hreint. 

Félagsmenn FFÍ felldu í dag nýjan kjarasamning við Icelandair sem samninganefndir beggja aðila skrifuðu undir hjá ríkissáttasemjara 25. júní. 

Kjör­sókn var 85,3%. Alls greiddu 72,65% at­kvæði gegn samn­ingn­um. 26,46% kusu með samn­ingn­um. Niðurstaða atkvæðagreiðslunnar var þannig heldur afgerandi. 

Frétt af mbl.is

Kjarasamningur flugfreyja felldur

„Með niðurstöðu kosninganna erum við með skýra afstöðu okkar félagsmanna. Þetta var afgerandi. Það gefur okkur vísbendingu um það að það hefur verið of langt gengið í þessu hagræðingarkröfum,“ segir Guðlaug í samtali við mbl.is. 

„Eftir að kosning hófst var þetta bara í höndum félagsmanna.“

Boðað hefur verið til fundar hjá ríkissáttasemjara klukkan 1 á föstudag.

„Við mætum bara með ríkan samningsvilja og tilbúin í þetta,“ segir Guðlaug. 

Tengdar fréttir

Kjaraviðræður

Kennarar og læknar í Karphúsið að nýju klukkan níu

• Vonir bundnar við morgundaginn
• „Ekki úr háum söðli að detta“
• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum

» Fleiri tengdar fréttir

• Blogga um frétt