Ætla að andmæla lögfræðiálitinu

Lögmaður Landssambands lögreglumanna telur lögfræðiálit sem núverandi ríkislögreglustjóri aflaði fái ekki staðist og vinnur að öðru lögfræðiáliti því til andmæla.

Frétt af mbl.is

Hafði ekki heimild til að skuldbinda LSR

Þetta segir Jón Bjartmarz, yfirlögregluþjónn hjá ríkislögreglustjóra, í samtali við mbl.is. Greint var frá því í kvöldfréttum RÚV að Sigríður Björk Guðjónsdóttir ríkislögreglustjóri hygðist vinda ofan af ákvörðun forvera síns í starfi, Haralds Johannessen, um samninga sem gerðir voru við níu yfirlögregluþjóna um að færa fasta yfirvinnutíma þeirra inn í grunnlaun, sem gefur þeim þar af leiðandi aukin grunnlaun.

Jón F. Bjartmarz.

Samkvæmt lögfræðiálitinu, sem unnið var af Forum lögmönnum, hafði Haraldur ekki heimild til að skuld­binda líf­eyr­is­sjóð starfs­manna rík­is­ins og að samn­ing­arn­ir hafi ekki stoð í lög­um og stofn­ana­samn­ingi ríkslög­reglu­stjóra og Lands­sam­bands lög­reglu­manna og að vegna þess að þeir byggi ekki á lög­mæt­um sjón­ar­miðum séu þeir ógild­an­leg­ir.

„Lögmaður Landssambands lögreglumanna telur að það fái ekki staðist, þetta álit og við munum andmæla því,“ segir Jón í samtali við mbl.is.

Þá bendir hann á að bæði dómsmála-og fjármálaráðherra hafi staðfest að Haraldur hafi haft heimild til þess að gera samningana.

Frétt af mbl.is

Samkomulag Haralds kostar ríkið 360 milljónir

Frétt af mbl.is

Hafði fullt umboð til að ákveða sérkjör

„Rík­is­lög­reglu­stjóri svaraði þeim spurn­ing­um og vanga­velt­um sem ég var með og af hans skýr­ing­um er ljóst að hann hafði fulla heim­ild til þess­ara ákv­arðana,“ var haft eftir Áslaugu Örnu Sigurbjörnsdóttur dómsmálaráðherra í viðtali um málið í nóvember á síðasta ári. Þá segir í svari fjármálaráðherra við fyrirspurn Ólafs Ísleifssonar, þingmanns Miðflokksins, vegna málsins að all­ir for­stöðumenn stofn­ana rík­is­ins fari með fyr­ir­svar um rétt­indi og skyld­ur starfs­manna sinna og hafi því heim­ild til að gera breyt­ing­ar á sam­setn­ingu heild­ar­launa starfs­manna í sam­ræmi við kjara- og stofn­ana­samn­inga. 

• Blogga um frétt