Team Rynkeby lýkur hringnum á morgun
Setja bókamerki
„Það er bara búið að ganga mjög vel. Við erum búin að hjóla núna einhverja 750 kílómetra, við erum búin að fara hringinn í kring um landið hjólandi og keyrandi,“ segir Guðmundur S. Jónsson, liðsstjóri Team Rynkeby sem renndi í hlað í Vík í Mýrdal síðdegis í dag.
Team Rynkeby hóf ferðalagið frá Barnaspítala Hringsins síðastliðinn laugardag og endar túrinn á Kia Gullhringnum á morgun, en tilgangur ferðarinnar er að safna fé fyrir Styrktarfélag krabbameinssjúkra barna.
Guðmundur segir hópinn hafa fengið alls kyns veður á leiðinni, en hjólarar eru 29 og ellefu eru í þjónustuliði Team Rynkeby.
„Söfnunin hefur gengið vel, en við gefum það aldrei upp fyrr en við afhendum allt styrktarfé í lok september,“ segir Guðmundur, en í fyrra safnaði Team Rynkeby 23,6 milljónum fyrir Styrktarfélag krabbameinssjúkra barna.
„Við höfum fengið mjög góðar viðtökur alls staðar þar sem við höfum komið og þeir sem eru að keyra vegina vinka okkur og eru margir mjög tillitssamir.“
Hægt er að heita á Team Rynkeby með því að hringja í eftirfarandi styrktarnúmer: 907-1601 kr 1.500 - 907-1602 kr 3.000 - 907-1603 kr 5.000, auk þess sem tekið er við frjálsum framlögum í gegnum reikningsnúmer 537-26-567 kt. 580216-0990.
Með Ladda í innkaupakerru
Skoða hvort Hvalur 8 og 9 geti hitað upp Suðurnes
Önnur aurskriða við Eyrarhlíð
Glíma enn við eftirköst E.coli-smits í Efstadal
Staðan ágæt en viðbúin frekari aurskriðum
Tré brotnuðu og umferðarskilti lagðist á hliðina
„Einhverjir töfrar sem gerast“
Telja sig geta rekið Grindavík til 2026