„Stjórn VR, sem jafnframt á sæti í fulltrúaráði Lífeyrissjóðs verzlunarmanna, beinir þeim tilmælum til þeirra stjórnarmanna sem VR skipar í stjórn Lífeyrissjóðs verzlunarmanna að sniðganga eða greiða atkvæði gegn þátttöku í væntanlegu hlutafjárútboði Icelandair.“

Þetta kemur fram í tilkynningu frá VR sem er send út í kjölfar þess að Icelandair sagði upp öllum sínum flugfreyjum og flugþjónum.

„Fjölda félagsmanna VR, sem margir hverjir hafa starfað áratugum saman hjá félaginu, hefur verið sagt upp störfum á meðan félagið stundar félagsleg undirboð með úthýsingu starfa í löndum þar sem réttindi eru fótum troðin.“

Þá segir í tilkynningunni að stjórn VR geti ekki sætt sig við að „eftirlaunasjóðir launafólks séu notaðir til fjárfestinga í fyrirtækjum sem hvetja til félagslegra undirboða. Það stríðir gegn öllum þeim gildum sem verkalýðshreyfingin stendur fyrir.“

VR bendir á að lífeyrissjóðirnir hafi sett sér alþjóðleg siðferðisleg viðmið í fjárfestingastefnum sínum og beri að fylgja þeim eftir.

Tengdar fréttir

Kjaraviðræður

„Ekki úr háum söðli að detta“

• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum
• Verkfalli lækna aflýst á síðustu stundu
• Verkföllum lækna aflýst

» Fleiri tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt