Tvö innanlandssmit greindust á Íslandi í gær í tveimur aðgreindum málum. Báðir einstaklingar eru með einkenni kórónuveirunnar og eru komnir í einangrun, að því er fram kemur í tilkynningu frá almannavörnum.

Þar segir að í öðru málinu hafi nokkrir verið settir í 14 daga sóttkví, en í hinu málinu hafa á þriðja tug verið settir í sóttkví. Þar hafði einstaklingur tekið þátt í frjálsíþróttamóti í Hafnarfirði um síðustu helgi. Þeir sem voru útsettir fyrir smiti eru komnir í 14 daga sóttkví en smitrakningu er þó ekki lokið.

Frjálsíþróttasamband Íslands er meðvitað um stöðuna og vinnur að því að gera viðeigandi ráðstafanir. 

Almannavarnadeild ríkislögreglustjóra og embætti landlæknis biðja fólk sem sótti umrætt frjálsíþróttamót að gæta varúðar og huga að einstaklingsbundnum smitvörnum. Leiki minnsti vafi á hvort einkenni COVID-19 veirunnar séu til staðar er sá hinn sami beðinn um að fara í sýnatöku á næstu heilsugæslustöð.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt