Þrjú ný innanlandssmit kórónuveirunnar greindust í gær og tvö smit greindust í landamæraskimun. 

Í tengslum við smit sem uppgötvaðist á knattspyrnumótinu Rey Cup í gær hefur einn verið sendur í einangrun og sextán aðrir, sem voru í nánu samneyti við hann, í 14 daga sóttkví. Einstaklingurinn sem reyndist smitaður tók þátt í félagsstarfi íþróttafélags í Reykjavík og er einungis hluti íþróttaliðsins sem tók þátt í mótinu í sóttkví. 

Eftir því sem fram kemur í tilkynningu frá almannavörnum er uppruni smitsins enn ófundinn og smitrakning enn í gangi. 

Frétt af mbl.is

Smit á Rey Cup – á þriðja tug í sóttkví

Annað smit greindist í gær sem tengist smiti sem greint var frá í fyrradag. Íslensk erfðagreining hefur raðgreint smitið og kom í ljós ný tegund veiru sem ekki hefur greinst hér áður. Smitrakningu í tengslum við umrætt smit er lokið. Einn er í einangrun og 12 í sóttkví. 

Þriðja smitið sem greindist í gær er hjá einstaklingi sem kom til landsins 15. júlí. Smitið greindist á suðvesturhorni landsins. Einstaklingurinn er kominn í einangrun og sex sem voru í samneyti við hann í sóttkví. Þeir fara jafnframt í sýnatöku en tveir eru farnir að sýna einkenni veirunnar. 

Beðið er eftir niðurstöðu úr mótefnamælingu hjá tveimur sem greindust með veiruna við landamærin í gær.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt