Það kemur til greina að minnka leyfilegan fjölda á samkomum og setja á tveggja metra reglu vegna ástands kórónuveirufaraldursins hér á landi. Niðurstaða fundar almannavarna, fulltrúa sóttvarnalæknis, landlæknis og heilbrigðisráðherra sem lauk rétt fyrir sex var sú að staðan yrði áfram metin í kvöld, rýnt í niðurstöður sýna og fleiri gögn, og síðan fundað aftur í fyrramálið.

Frétt af mbl.is

„Það hlaut að koma að þessum tímapunkti“

„Þær leiðir sem eru uppi á borðinu eru að fækka í fjöldatakmörkunum og setja tveggja metra regluna á. Þetta eru möguleikar sem gætu verið uppi á borðinu en engin ákvörðun hefur verið tekin,“ segir Jóhann K. Jóhannsson, upplýsingafulltrúi almannavarna, við mbl.is. „Yfirvöld hafa áhyggjur af komandi helgi í ljósi þeirra smita sem eru í samfélaginu af því að það verða svo margir á faraldsfæti og við verðum að koma í veg fyrir frekari smit og smitleiðir.“ 

Eins og Jóhann segir var engin ákvörðun tekin í kvöld. „Málið var skoðað frá öllum hliðum en við erum enn að bíða eftir niðurstöðu sýna og öðrum gögnum sem eru í vinnslu núna. Það skiptir máli að sjá þau áður en ákvörðun er tekin. Hópurinn kemur aftur til með að hittast í fyrramálið,“ segir Jóhann.

Vitað er um 24 virk kórónuveirutilfelli í landinu og 14 þeirra eru innanlandssmit. Þegar hefur fyrirhuguðum tilslökunum samkomutakmarkana 4. ágúst verið frestað um tvær vikur vegna ástandsins. Verslunarmannahelgin næstu helgi veldur áhyggjum, þar sem hvorki hefur tekist að rekja uppruna stórs hluta af innanlandssmitunum né ná almennilega utan um umfang hópsmitsins.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt