„Við neyðumst til að grípa til þessara ráðstafana,“ sagði Áslaug Arna Sigurbjörnsdóttir dómsmálaráðherra á upplýsingafundi þar sem hertar aðgerðir vegna kórónuveirunnar voru kynntar. Frá og með hádeginu á morgun mega einungis 100 koma saman og tveggja metra reglan verður aftur innleidd.

Ráðherra sagði að við vildum ekki hafa samfélagið með þessum hætti en vonandi yrði þetta ástand í skamman tíma.

Hún sagði vinnu á landamærum hafa gengið vel og áskoranir snúist um þá Íslendinga sem komi erlendis frá.

„Við erum ekki komin á neyðarstig almannavarna,“ sagði Áslaug. Hún fundar síðar í dag með ríkislögreglustjóra og almannavörnum til að sjá hvort þörf sé á því að fara á neyðarstig aftur.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt