Lögreglunni á höfuðborgarsvæðinu barst tilkynning um að krotað hefði verið á veggi Sjávarútvegshússins við Skúlagötu 5.
Eins og sjá má á meðfylgjandi myndum er í veggjakrotinu þess krafist að ný stjórnarskrá verði samþykkt.
Skúli Jónsson, aðstoðaryfirlögregluþjónn hjá lögreglunni á höfuðborgarsvæðinu, telur að skemmdarverkin hafi verið framin í nótt og bætir við að málið sé á borði lögreglunnar.