Mikið um sjúkraflutninga tengda COVID-19

Slökkvilið höfuðborgarsvæðisins hefur haft í nægu að snúast það sem af er degi þar sem farið hefur verið í sjö sjúkraflutninga tengda COVID-19 frá því í morgun. Á kvöld- og næturvaktinni voru slík verkefni fjögur talsins.

Hver flutningur þar sem talið er að mögulega sé um COVID-19-smit sé að ræða tekur langan tíma og auk þess þarf að þrífa sjúkrabílinn hátt og lágt eftir hvern flutning.  Alls hefur SHS farið í 25 sjúkraflutninga það sem af er dagvaktinni en rólegt hefur verið á dælubílum.

Áhöfn þyrlu Landhelgisgæslunnar er á leið til Reykjavíkur með sjúkling af Ströndum á Landspítalann. 

Frétt af mbl.is

4 sjúkraflutningar tengdir COVID-19

• Blogga um frétt