Hljóð gerir Akureyringum lífið leitt
Setja bókamerki
Það sem sumir eru farnir að kalla Akureyrarsóninn, drauga- og/eða geimveruhljóð hefur gert íbúum á Akureyri lífið leitt undanfarið.
Þorvaldur Bjarni Þorvaldsson tónlistarmaður hefur vakið athygli á hljóðinu á Facebook, en RÚV fjallar einnig um málið.
Þorvaldur segir hljóðið hafa verið sérstaklega hávært um kl. 5:30 í gærmorgun, en það hafi raskað svefnfriði margra undanfarnar nætur. Fullyrðir hann raunar að hljóðið hafi hangið yfir bænum öðru hverju síðan hið minnsta 2014.
Það var svo í gærkvöldi sem Þorvaldur náði loks góðri hljóðupptöku af hljóðinu og deildi á Facebook við myndskeið af Ávaxtakörfunni, sem sjá má hér að neðan.
Líklega eðlileg skýring á hljóðinu
Í samtali við mbl.is segir Aðalsteinn Júlíusson, varðstjóri hjá lögreglunni á Akureyri, að engar tilkynningar hafi borist lögreglu vegna málsins. Honum þykir líklegasta skýringin að hljóðið komi frá blásurum í Vaðlaheiðargöngum sem fara af stað þegar mengun í göngunum er mikil. „Ég er nánast viss um að það eru engar geimverur hérna.“
„Tímabil aukinnar eldvirkni“
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
Var engin kristnitaka árið 1000?
Víkingar komnir yfir 800 milljónir í greiðslur
„Börn heima sem maður myndi vilja hafa í skjóli“
Funda með þingflokkum
