Bjarnheiður Hallsdóttir, formaður Samtaka ferðaþjónustunnar, segir að hagsmunaaðilar í ferðaþjónustu hafi ekki haft vitneskju um að til stæði að herða aðgerðir á landamærum, eins og kynnt var á föstudaginn.

Þegar það var gert „fékk atvinnugreinin áfall eins og hún lagði sig,“ segir Bjarnheiður í umfjöllun um mál þetta í Morgunblaðinu í dag.

„Okkar skoðun er að þetta jafngildi lokun á landinu, að skrúfa fyrir komur erlendra ferðamanna hingað. Venjulegir ferðamenn geta ekki unað við að sitja í sóttkví í 4-6 daga, þegar þeir dvelja flestir að meðaltali í sjö til átta nætur. Þessar fréttir setja í raun og veru það í uppnám sem var hægt og rólega byrjað að byggjast upp aftur hér á landi,“ segir Bjarnheiður.

Mikill hluti atvinnugreinarinnar er að vinna á uppsagnarfresti að sögn Bjarnheiðar og vonir voru bundnar við að hægt væri að ráða hluta þessa starfsfólks aftur nú þar sem horfur voru að skána.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir