Átta smit sem greindust í gær og voru tilkynnt í dag tengjast smiti hjá starfsmanni á Hótel Rangá, að sögn sóttvarnalæknis sem býst við því að fleiri smit sem hópsýkingunni tengjast eigi eftir að koma í ljós. Mikill fjöldi þarf að fara í sóttkví en ekki er ljóst hversu margir þurfa að sæta sóttkví eins og staðan er núna. 

„Ég býst alveg við því að smitin eigi eftir að verða fleiri,“ segir Þórólfur Guðnason sóttvarnalæknir. „Það er mikill fjöldi sem tengist þessum einstaklingum sem er hér í bænum líka og víða.“

Þórólfur segist aðspurður ekki vita hvort fólkið sé allt búsett erlendis en auk starfsmannsins eru sjö gestir smitaðir. 

Frétt af mbl.is

Uppruni smitsins á Hótel Rangá óljós

Niðurstaðna úr raðgreiningu beðið

Niðurstöður úr raðgreiningu liggja ekki fyrir og segir Þórólfur því ekki ljóst hvort um sé að ræða annað afbrigði af veirunni en það sem hefur hingað til gengið á milli fólks í annarri bylgju.

All­ir starfs­menn hót­els­ins fóru í skimun í morg­un en þeir eru um 30 tals­ins. Þá eru flest­ir starfs­mann­anna í sótt­kví. 

Rík­is­stjórn­in fékk að vita í morg­un að stærst­ur hluti henn­ar teld­ist til ytri hrings hugs­an­legs smit­hóps í tengsl­um við Hót­el Rangá, þar sem rík­is­stjórn­in snæddi há­deg­is­verð síðastliðinn þriðju­dag.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt