Flugvél magalenti á Ísafjarðarflugvelli

Lítil flugvél magalenti á Ísafjarðarflugvelli eftir að hafa verið í flugtaki upp úr klukkan fjögur í dag.

Flugmaðurinn var einn í vélinni og slasaðist hann ekki, að sögn Arnórs Magnússonar, umdæmisstjóra Isavia á Ísafjarðarflugvelli.

Arnór kveðst ekki vita nánar hvað gerðist og segir að rannsóknarnefnd flugslysa sé ókomin á staðinn.

Slökkvilið Ísafjarðarbæjar var ekki kallað út vegna óhappsins, að sögn Hermanns G. Hermannssonar varaslökkviliðsstjóra.

Myndskeiðið sem fylgir fréttinni tók Egill Ari Gunnarsson. 

Flugvélin sem um ræðir. Ljósmynd/Halldór Sveinbjörnsson

Ljósmynd/Halldór Sveinbjörnsson

• Blogga um frétt