Icelandair Group fékk engar skuldir afskrifaðar í umfangsmikilli samningalotu við lánardrottna sína í sumar. Bogi Nils Bogason segir að félagið muni vera í sterkri stöðu ef hlutafjárútboð, sem stefnt er að í september, heppnast vel. Þar er ætlunin að safna allt að 23 milljörðum.

Þannig muni farsæl niðurstaða í fyrrnefndum samningum m.a. gera Icelandair að eftirsóttum mótaðila þegar kemur að kaupum á flugvélum eða fjármögnun félagsins. Bendir hann á að Icelandair hafi farið allt aðra leið en Norwegian sem hafi breytt skuldum í hlutafé. Það hafi skýrst af því að skuldir norska félagsins hafi verið fólgnar í vanskilum og óveðtryggðum pappírum. Því hafi ekki verið til að dreifa hjá Icelandair Group og samningsstaða lánardrottna því allt önnur.

Í ítarlegu viðtali í ViðskiptaMogganum í dag fer Bogi Nils yfir áætlanir þær sem nú hafa verið teiknaðar upp og miða að því að koma félaginu á beina braut að nýju. Segir hann ýmis tækifæri felast í umrótinu á markaðnum nú um stundir. Slíkt ástand hafi oft nýst Icelandair og það muni gerast aftur, ef rétt er haldið á spilum.

Nýtt frumvarp til fjáraukalaga var birt í gærkvöldi. Samkvæmt því mun Icelandair greiða 37,5 milljóna króna grunngjald til ríkisins á ári, fyrir að halda lánalínu opinni þeirra á milli. Ofan á þá greiðslu bætist notkunarálag, sem samkvæmt frumvarpinu tekur mið af því hversu hátt lánalínurnar eru ádregnar.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir