Hlutabótaleið stjórnvalda verður framlengd um tvo mánuði, laun í sóttkví verða greidd til næsta árs og tekjutengdar atvinnuleysisbætur fást greiddar næsta hálfa árið.

Þetta er meðal þess sem rætt var á fundi ríkisstjórnarinnar í morgun.

Að öllu óbreyttu hefði hlutabótaleiðin runnið út um næstu mánaðamót. Ekki eru lagðar til efnislegar breytingar en samkvæmt lögunum getur fólk sem verið hefur í fullu starfi farið niður í allt að 50 prósenta starfshlutfall og átt rétt á bótum. Þeir sem eru með 400 þúsund eða minna í mánaðarlaun fá fullar bætur á móti skertu hlutfalli í vinnu.

Með frumvarpi um tekjutengdar atvinnuleysisbætur mun réttur til tekjutengdra atvinnuleysisbóta fara úr þremur mánuðum í sex mánuði, enda séu ákveðin skilyrði uppfyllt, og hlutabótaleiðin verður framlengd um tvo mánuði. Greiðslur launa vegna einstaklinga í sóttkví munu einnig halda áfram.

Frétt af mbl.is

„Stórt og viðkvæmt mál“

For­menn stjórn­ar­and­stöðuflokk­anna og nefnd­ar­menn í fjár­laga­nefnd funda með rík­is­stjórn­inni í Hörpu nú síðdeg­is.

Farið verður yfir frum­varp til fjár­auka­laga þar sem heim­ild er lögð til handa ráðherra að veita Icelanda­ir Group hf. sjálf­skuld­ara­ábyrgð frá rík­is­sjóði á lán­um vegna tekju­falls fyr­ir­tæk­is­ins í tengsl­um við kór­ónu­veirufar­ald­ur­inn. 

Alþingi kem­ur sam­an á morgun, í stubbn­um svo­nefnda, en þar á að taka fyr­ir breyt­ing­ar á fjár­mála­stefnu rík­is­ins, auk frum­varps fé­lags­málaráðherra um hlut­deild­ar­lán­in, eins og um var rætt í lífs­kjara­samn­ing­un­um.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt