Grindvíkingar urðu vel varir við skjálfta upp á 4,2 sem varð klukkan 16.15 í dag, að sögn bæjarstjóra Grindavíkurbæjar. Hann segir að árið 2020 hafi verið mikið skjálftaár og Grindvíkingar séu orðin öllu vanir en skjálftar af þessari stærð venjist þó ekki.

Frétt af mbl.is

Öflugur jarðskjálfti á Reykjanesi

„Hann fannst ágætlega í Grindavík. Hann er þó talsvert langt í burtu frá okkur svo hann fannst kannski alveg jafn vel á höfuðborgarsvæðinu og hjá okkur,“ segir Fannar Jónasson bæjarstjóri Grindavíkurbæjar.

Skjálftinn átti upp­tök sín 3,2 kíló­metra aust­ur af Fagradalsfjalli á Reykja­nesi. Fannar var á leið frá Grindavík til Reykjavíkur þegar skjálftinn varð en hann á ekki von á því að tjón hafi orðið í byggð.

Mikið skjálftaár

„Miðað við þær lýsingar sem ég hef fengið er þessi skjálfti ekkert sterkari en þeir sem við höfum fengið fyrr á þessu ári,“ segir Fannar. 

„Þetta hefur verið mikið skjálftaár en það hefur verið friðsamlegt síðustu vikurnar. Þetta eru fyrstu skjálftarnir sem við höfum fundið fyrir á síðustu vikum þó þeir hafi mælst smáir og þó nokkuð margir inn á milli.“

Spurður hvort Grindvíkingar séu orðnir öllu vanir jánkar Fannar því. „En þetta venst nú samt ekki þegar skjálftarnir eru af stærri gerðinni eins og þessi.“

Skjálftinn fannst vel á höfuðborgarsvæðinu og hafa mbl.is einnig borist ábendingar um að hans hafi orðið vart á Stokkseyri og í Vestmannaeyjum.

Frétt af mbl.is

Jarðskjálfti upp á 3,7 stig á Reykjanesi

Annar skjálfti varð fyrr í dag sem fannst víða á Suðurnesjum og á höfuðborgarsvæðinu. Hann var af stærðinni 3,7 og varð 2,9 kíló­metra aust­ur af Fagra­dals­fjalli um klukk­an kort­er í tvö í dag. 

Tengdar fréttir

Landris á Reykjanesi

Land rís enn á Reykjanesskaga

• Mesta virkni sem hefur mælst frá upphafi
• Auka vöktun með efnainnihaldi neysluvatns
• Jörð skelfur við Krýsuvík
• Jarðskjálfti upp á 3,5 stig

» Fleiri tengdar fréttir

• Blogga um frétt