Hraðamyndavélar við gangbrautarljós á Hörgárbraut

Lögreglustjórinn á Norðurlandi eystra ásamt Akureyrarbæ og Vegagerðinni hafa komist að samkomulagi um uppsetningu hraðamyndavéla við gangbrautarljós á Hörgárbraut.

Frétt af mbl.is

Auka á umferðaröryggið

Settur verður upp myndavélabúnaður sem er hraða- og rauðljósamyndavél við gangbrautarljós á Hörgárbraut skammt norðan við Tryggvabraut og við Stórholt, að því er lögreglan greinir frá á Facebook.

Aðgerðin er liður í bættu umferðaröryggi á umræddum vegkafla, ekki síst fyrir börn sem leggja leið sína yfir Hörgárbraut á leið sinni til og frá skóla. Markmiðið með aðgerðinni er að tryggja að hámarkshraði sé virtur og að auka virðingu fyrir rauðu ljósi almennt.

Frétt af mbl.is

Lífsgleði og þrautseigja flýtti bata

Fyrirhugað samstarf lögreglustjórans á Norðurlandi eystra, Akureyrarbæjar og Vegagerðarinnar byggir á fordæmi samstarfs lögreglunnar á höfuðborgarsvæðinu, Reykjavíkurborgar og Vegagerðarinnar fyrir hraðamyndavélar sem eru reknar í Reykjavík.

Frétt af mbl.is

Vilja að gripið verði til tafarlausra aðgerða

Um er að ræða nýja tegund af myndavélum sem hafa ekki verið teknar í notkun hérlendis áður. Hún er útbúin radartækni til hraðamælinga og verður vélin beintengd umferðarljósunum og mun nema stöðu ljósanna hverju sinni.

Reiknað er með því að hafist verði handa við uppsetningu á búnaðinum eftir um tvær vikur.

• Blogga um frétt