Alvarlegt bílslys við Stóru-Giljá

Kona var flutt með sjúkraflugi á Landspítalann í morgun eftir að hafa velt bifreið sinni skammt frá bænum Stóru-Giljá í Austur-Húnavatnssýslu. 

Að sögn varðstjóra í lögreglunni á Blönduósi var konan flutt með sjúkrabifreið á Sauðárkrók og þaðan með sjúkraflugi á Landspítalann. Ekki er vitað um líðan hennar. 

Vegfarendur komu konunni strax til aðstoðar en vitni voru að slysinu sem varð upp úr klukkan átta í morgun. Þetta er ekki í fyrsta skipti sem slys verður á þessum vegarkafla en ekki er vitað hvers vegna konan missti stjórn á bifreiðinni. 

Bifreiðin er gjörónýt.

• Blogga um frétt