Rannsókn á brunanum miðar vel
Rannsókn brunans á Bræðraborgarstíg miðar vel.
mbl.is/Eggert Jóhannesson
Setja bókamerki
Rannsókn á eldsvoða sem varð við Bræðraborgarstíg í júlí miðar vel, að sögn Margeirs Sveinssonar aðstoðaryfirlögregluþjóns.
„Enn er verið að bíða niðurstaðna ýmissa rannsókna sem fram hafa farið vegna þessa máls,“ segir Margeir í skriflegu svari við fyrirspurn mbl.is.
Karlmaður á sjötugsaldri hefur setið í gæsluvarðhaldi síðan bruninn varð og var í ágúst úrskurðaður af dómstólum í áframhaldandi gæsluvarðhald fram til 8. september en gæsluvarðhaldsins var óskað á grundvelli rannsóknarhagsmuna.
Þrír létust í brunanum og er málið rannsakað sem manndráp af ásetningi. Sá sem situr í gæsluvarðhaldi gæti því átt yfir höfði sér ævilanga fangelsisvist.
Lofaði kjósendum að knýja fram breytingar
Ein flugbraut eftir á Reykjavíkurflugvelli
Guðrún býður sig fram til formanns
Buðu upp á æfingar án öryggisúttektar
Svo er framtíðin óskrifað blað
Neyðarástand: Merki um landris og þúsundir flýja
Viðtalið sem sprengdi meirihlutann?