Páll Winkel fangelsismálastjóri segir það nokkuð algengt að beiðnir berist um að lokað verði á símtöl úr fangelsum landsins. 

Greint var frá því í gær að Kamilla Ívarsdóttir, 18 ára stúlka sem varð fyrir stórfelldri líkamsárás af hálfu fyrrverandi kærasta síns á síðasta ári, hafi fengið 122 símtöl frá ofbeldismanni sínum úr fangelsinu á Hólmsheiði. Maðurinn sætir ákæru fyrir ítrekuð brot gegn nálgunarbanni. 

Frétt af mbl.is

Hringdi 122 sinnum og sendi bréf úr fangelsinu

Vekur þetta upp spurningar til hvers hægt sé að grípa fyrir þá sem fyrir slíku verða. Páll segir fanga sem ekki sæta einangrun hafa aðgengi að síma á deildum fangelsanna. 

„En ef rétthafar símanúmera vilja ekki að það sé hringt úr fangelsinu getum við lokað fyrir hringingar úr fangelsinu. Slíkar beiðnir koma fram mjög reglulega í hverjum mánuði,“ segir Páll. 

Páll segir að einungis sé lokað á hringingar að frumkvæði rétthafa símanúmers, jafnvel þó að viðkomandi hafi fengið nálgunarbann á fanga sem hringir. 

Tengdar fréttir

Endurtekið áreiti og nálgunarbönn

Kom upp hlerunarbúnaði á heimili fyrrverandi

• Sat um og hrelldi þrjár konur
• Umsáturseinelti staðfest
• Sendi stjúpdóttur sinni ósiðleg skilaboð
• 93 tölvupóstar með hótunum og áreiti á 4 mánuðum

» Fleiri tengdar fréttir

• Blogga um frétt