Bolli segir Laugaveginn orðinn að draugagötu
Setja bókamerki
Bolli Kristinsson kaupmaður segir stöðuna í miðbæ Reykjavíkur ískyggilega. Laugavegurinn hafi á örskömmum tíma orðið að draugagötu fyrir tilverknað borgaryfirvalda og að fjöldi rótgróinna verslana hafi flúið miðbæinn að undanförnu.
Þetta kemur fram í auglýsingaopnu í Morgunblaðinu sem hann skrifar undir. Hann hefur áður gagnrýnt lokun gatna á Laugaveginum og sagt hana stórskaða rekstur verslana.
Hann segir að allt að 4.000 bílastæði hafi verið tekin af borgarbúum á síðustu árum og að viðskiptavinir komist ekki í bæinn og leiti því annað. Yfir 30 verslunarpláss standi tóm við Laugaveginn og gætu þau trúlega orðið 50 í vetur.
„Þetta ástand verður ekki skrifað á neina farsótt eða netverslun. Borgarstjórn Reykjavíkur með Dag B. Eggertsson í broddi fylkingar ber fulla ábyrgð á því sem hér hefur átt sér stað,“ skrifar Bolli og klykkir út með því að segja Dag versta borgarstjóra Reykjavíkur frá upphafi. Hann skuli aldrei verða kosinn aftur.
Úlfar: Heppileg tímasetning á gosinu
Einar skorar á næstu ríkisstjórn
Myndir: Grindavíkurvegur aftur undir hraun
Mæðgur dæmdar til að greiða 64 milljónir
Erlendir miðlar greina frá tíunda gosinu
Átti ekki að láta pirring bitna á sjúklingi
Þórarinn: Tafir á höfuðborgarsvæðinu ekki minni