„Í vor sýnd­um við hvað í okk­ur býr, að við get­um staðið sam­an þegar á reyn­ir, okk­ur sjálf­um og sam­fé­lag­inu öllu til heilla,“ skrif­ar Guðni Th. Jó­hann­es­son, for­seti Íslands, í færslu á Face­book, þar sem hann fjall­ar um þriðju bylgju far­sótt­ar­inn­ar. 

„Í síðustu viku snar­fjölgaði smit­um á nýj­an leik. Nú sem aldrei fyrr er brýnt að hver og einn hugi að sótt­vörn­um. Mun­um að þvo okk­ur vel um hend­ur, leit­umst við að halda nægri fjar­lægð á milli fólks og fylgj­um öðrum til­mæl­um yf­ir­valda. Bestu sótt­varn­irn­ar byrja hjá okk­ur sjálf­um. Í vor sýnd­um við hvað í okk­ur býr, að við get­um staðið sam­an þegar á reyn­ir, okk­ur sjálf­um og sam­fé­lag­inu öllu til heilla. Við skul­um reyna að halda okk­ar dag­lega lífi í venju­leg­um skorðum eft­ir því sem tök eru á, sækja manna­mót eins og heim­ilt er. Ver­um samt var­kár og tök­um til­lit til annarra,“ skrif­ar for­set­inn. 

Hann seg­ir enn­frem­ur, að í nýrri viku ber­ist uggvæn­leg­ar fregn­ir af fjölg­un veiru­smita með öllu sem því fylgi, fjölda fólks í sótt­kví og alls kyns raski í sam­fé­lag­inu.

„Í ýms­um skól­um og víðar er grímu­skylda nú við lýði. Nú er líka beðið um sér­hæft lið í bakv­arðasveit­ir rétt eins og í vor. Þá sýnd­um við þann sam­taka­mátt sem reynd­ist svo vel. Enn vinna stjórn­völd fram­ar öllu að því sinna frum­skyldu sinni, að tryggja líf og heilsu lands­manna. Ég leyfi mér að end­ur­taka að sam­an get­um við öll orðið að liði með því að huga að eig­in sótt­vörn­um,“ skrif­ar Guðni. 

Tengd­ar frétt­ir

Kór­ónu­veir­an Covid-19

Lík­lega rangt að loka öllu

• „Eins og að vakna upp í allt öðru lífi“
• Rétt­inda­mál covid-sjúk­linga í lamasessi
• Hug­hreyst­andi bros á lækna­vakt
• Í fimm ára fang­elsi fyr­ir að hvetja til hryðju­verka

» Fleiri tengd­ar frétt­ir

• Blogga um frétt