22 starfsmenn Landspítala eru nú í einangrun vegna kórónuveirusmita og 200 starfsmenn í sóttkví. Landspítali hefur nú þegar þurft að fresta aðgerðum vegna sóttkvíar og einangrunnar starfsmanna en 22 aðgerðum var frestað vegna þess í síðustu viku.

Þetta kemur fram í tilkynningu. „Aðgerðum er forgangsraðað þannig að allar brýnar aðgerðir eru framkvæmdar, s.s. krabbameinsaðgerðir og aðrar sem ekki þola bið“, segir m.a. í tilkynningunni. 

Landspítali er á hættustigi vegna smitanna en eins og fram kom í viðtali mbl.is við forstjóra spítalans í gær er um að ræða tvo klasa smita, annars vegar á skrifstofu spítalans og hins vegar í skurðlæknaþjónustu. Viðbragðsáætlun Landspítala vegna farsótta hefur verið virkjuð og funda viðbragðsstjórn og farsóttanefnd daglega.

Frétt af mbl.is

„Ég kenni mér einskis meins“

Mögulega þarf að fresta liðskiptaaðgerðum

Biðlistaaðgerðir gætu frestast vegna þessa en Landspítali tekur þátt í biðlistaátaki vegna liðskiptaaðgerða.

„Vegna þeirrar stöðu sem upp er komin er hugsanlegt að fresta verði þeim aðgerðum sem fyrirhugaðar voru um komandi helgi. Endanleg ákvörðun um þetta mun liggja fyrir á fimmtudag. Sjúklingar sem bíða þessara aðgerða verða upplýstir um gang mála um leið og niðurstaða liggur fyrir“, segir í tilkynningu. 

Eins og áður hefur komið fram er nú algjör grímuskylda á spítalanum. 

„Nú hefur bæst við sú þekking að grímunotkun ásamt handhreinsun minnkar líkur á smiti umtalsvert. Því er núna algjör grímuskylda á Landspítala og ef hún er uppfyllt þá minnkar það verulega líkur á að starfsmaður lendi í sóttkví þrátt fyrir útsetningu vegna nándar við smitaðan einstakling“, segir í tilkynningunni. 

„Við erum öll að læra á þennan faraldur og við breytum aðferðum og nálgun á  viðfangsefnið eftir því sem þekking okkar eykst og gögn berast sem styðja tiltekna nálgun. Rakningarteymið fer eftir þeim viðmiðum sem í gildi eru hverju sinni. Því er ekki hægt að bera saman þá nálgun sem notuð var í fyrstu bylgju og þá sem notuð er núna.“

Klínískt verknám með sama hætti

Ekki hafa verið gerðar neinar breytingar á fyrirkomulagi klínísks verknáms á Landspítala.

„Grímuskylda er hjá nemendum eins og öllu starfsfólki. Varðandi námskeiðahald þá er hvatt til þess að streyma allri kennslu/fræðslu eins og mögulegt er. Ef nauðsynlegt er að hafa fólk saman í rými þá þarf að gæta að fjarlægðamörkum og grímunotkun. Öll vafamál skal bera undir farsóttanefnd.“

Tveir liggja inni á Landspítala vegna COVID-19 og eru 282 sjúklingar í eftirliti COVID-19 göngudeildar. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt