Forsendunefnd Alþýðusambands Íslands og Samtaka atvinnulífsins kemur saman til fundar í dag en nefndin hefur nú til umfjöllunar hvort samningsforsendur lífskjarasamninganna hafi staðist.

Þurfa fulltrúar viðsemjendanna í nefndinni að tilkynna fyrir lok september hvort forsendurnar halda.

Formenn allra aðildarfélaga og sambanda ASÍ komu saman til fundar í gær til að ræða stöðuna og hvort tilefni sé til uppsagnar samninganna. Verði þeim sagt upp á grundvelli forsendubrests kemur ekki til umsaminna launahækkana um næstu áramót.

Forystumenn sem rætt var við í gær vörðust allra frétta af umræðunum. ,,Við vorum bara að ráða ráðum okkar. Það var ekkert ákveðið á þessum fundi,“ sagði Drífa Snædal, forseti ASÍ, að loknum formannafundinum í gær.

Tengdar fréttir

Kjaraviðræður

Lýsa yfir stuðningi við kennara

• Formenn funda aftur með ríkissáttasemjara á morgun
• Formenn KÍ og SÍS funda með ríkissáttasemjara
• „Sýnum þessu börnum og ungmennum nærgætni“
• Komið „meira púður“ í viðræðurnar

» Fleiri tengdar fréttir