Katrín Jakobsdóttir forsætisráðherra segist ekki enn hafa tekið ákvörðun um hvenær fundir hennar við deiluaðila á vinnumarkaði fari fram. Hún hefur áður tilkynnt að hún ætlaði að boða forsvarsmenn ASÍ og Samtaka atvinnulífsins á sinn fund. Í samtali við mbl.is í dag segir Katrín að hún muni funda við deiluaðila í sitt hvoru lagi.

„Það er enn óákveðið en mun koma í ljós um helgina eða strax eftir helgi,“ segir Katrín aðspurð að því hvenær boðað yrði til fundar. „Það hafa farið fram samtöl á báða bóga í allan dag þar sem farið er yfir stöðu mála og næstu skref.“

Frétt af mbl.is

Órói á vinnumarkaði

Mikill órói hefur verið á vinnumarkaði eftir að í ljós kom í gær að ASÍ og SA væru á öndverðum meiði um það hvort forsendur lífskjarasamnings væru brostnar. SA telur að svo sé og við því þurfi að bregðast á meðan ASÍ segir að forsendur lífskjarasamningsins séu ekki brostnar.

Frétt af mbl.is

Drífa: Efins að atvinnurekendur segi upp samningnum

Standa þurfi við samninginn til þess að halda friði á vinnumarkaði að sögn Drífu Snædal, forseta ASÍ. Hún sagði í samtali við mbl.is í gær að það myndi senda „mjög alvarleg skilaboð“ út í samfélagið ef til þess kæmi að launahækkanir, sem lífkjarasamningurinn kveður á um, verði frystar.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt