Karlmaður á sjötugsaldri, sem ákærður er fyrir íkveikju og manndráp í tengslum við brunann Bræðraborgarstíg í júní, neitaði sök við þingfestingu málsins við Héraðsdóm Reykjavíkur í morgun. Þetta staðfestir Kolbrún Benediktsdóttir varahéraðssaksóknari í samtali við mbl.is.

Í þinghaldinu í morgun var lagt fram mat um ósakhæfi mannsins, en ákæruvaldið óskaði eftir aukaspurningum við matið. Kolbrún segir að þar sé um að ræða spurningar til að meta stöðu hans í dag sem og hvort gera þurfi öryggisráðstafanir verði komist að þeirri niðurstöðu að hann sé ósakhæfur.

Frétt af mbl.is

Ákærður fyrir manndráp og íkveikju

Verjandi mannsins óskaði eftir að þinghald málsins yrði lokað, en ekki var fallist á það að svo stöddu og verður ákvörðun um það tekin síðar.

Kolbrún segir að næstu skref sé fyrirtaka í málinu þar sem viðbótarmatið verði lagt fram.

Maðurinn hefur setið í varðhaldi frá því að hann var handtekinn sama dag og bruninn varð. Þrír lét­ust í brun­an­um, öll pólsk­ir rík­is­borg­ar­ar, og vakti málið mikla reiði meðal margra sem kröfðust úr­bóta í mál­efn­um er­lends verka­fólks hér á landi.

Tengdar fréttir

Eldsvoði við Bræðraborgarstíg

Stefna á að reisa 17 íbúðir við Bræðraborgarstíg

• Fjórir alvarlegir brunar á árinu
• Slökkviliðsstjóri fái sérstaka eftirlitsheimild
• Staðfesta öryggisvistun í Bræðraborgarstígsmáli
• Krefjast 324 milljóna vegna brunans

» Fleiri tengdar fréttir

• Blogga um frétt