Staðfestir ákvörðun um Teigsskóg

Úrskurðarnefnd umhverfis- og auðlindamála hefur staðfest ákvörðun sveitastjórnar Reykhólahrepps um að veita Vegagerðinni framkvæmdaleyfi fyrir Vestfjarðarvegi um Teigsskóg. Sigurður Ingi Jóhannsson samgöngu- og sveitarstjórnarráðherra segir ákvörðunina mikið gleðiefni. 

Úrskurðarnefndin segir sveitastjórnina hafa fært fram rök fyrir því að þeir samfélagslegu hagsmunir sem hafi í för með sér aukið umferðaröryggi vegfarenda feli í sér brýna nauðsyn. Það séu almannahagsmunir og margir kostir hafi verið skoðaðir áður en ákvörðun var tekin. 

„Í dag er gleðidagur, úrskurðarnefndin hefur kveðið upp sinn dóm skýrt og skorinort. Stöðvun á framkvæmdir í gegnum Teigsskóg er aflétt. Vegagerðin hyggst bjóða út þverun Þorskafjarðar í haust og hefja framkvæmdir í vetur. Þetta er verk upp á 2,5-3 ár. Samhliða verður unnið að öðrum köflum verksins þannig að verklok ættu að geta orðið 2024,“ skrifaði Sigurður Ingi á Facebook. 

• 2 blogg um fréttina

Bloggað um fréttina

• Ómar Ragnarsson: Endalausar ekki-Teigskógarmyndir í meira en 15 ár.
• Tryggvi Helgason: Syðri leiðin, - vegurinn framhjá Reykhólum.