Búið að slökkva eldinn á Skemmuvegi

Það tók slökkvilið höfurðborgarsvæðisins ekki nema um 15 til 20 mínútur að ráða niðurlögum eldsvoðans sem tilkynnt var um á Skemmuvegi í Kópavogi nú á þriðja tímanum. Talsverður eldur braust út í verkstæði og lagði svartan reyk upp úr húsinu.

Varðstjóri slökkviliðs segir að nú muni húsið reykræst, slökkt verði í glæðum og svo verði vettvangur afhentur lögreglu sem mun rannsaka eldsupptök. Aðspurður segist hann ekki vita hvort neitt saknæmt hafi átt sér stað.