„Maður veit að þetta er umdeild mynd en það er ekkert sem réttlætir svona gjörning,“ segir Guðmundur Heiðar Helgason, upplýsingafulltrúi Strætó, um skemmdarverk sem unnin voru á umdeildri mynd af Jesú á einum vagna fyrirtækisins, þekkta undir nafninu „Trans-Jesú".

Frétt af mbl.is

Augljóst að myndin hefur sært marga

Filman var rifin af strætisvagni í skjóli aðfararnætur sunnudags og má af myndinni ráða að um viljaverk hafi verið að ræða; andlit Jesú og brjóst eru hvergi lengur sjáanleg auk þess sem skemmdarvargurinn virðist einnig hafa gert atlögu að hnéi Jesú.

Verknaðurinn dugar þó skammt - Strætó hefur þegar pantað viðgerð og snýr Jesúmyndin aftur á vagninn í upprunalegri mynd á morgun.

„Kirkjan keypti auglýsinguna til átta vikna svo þetta er ekki eitthvað sem á eftir að stoppa okkur,“ segir Guðmundur.

Líklegt er að sá sem var að verki sé á fullorðinsaldri þar sem barn ætti erfitt með að vinna skemmdir í þeirri hæð sem sést, en svæðið er vaktað og er því líklegt að upptökur séu til af verknaðinum.

„Við erum að rannsaka þetta núna. Þetta gerðist bara í nótt þegar búið var a þvo hann. Þetta er greinilega einbeittur brotavilji. Það er ekkert sem er tekið af vagninum nema andlitið af myndinni og brjóstin,“ segir Guðmundur.

Tengdar fréttir

Kynlegur kristur

Kirkjan kjósi að standa varnarlaus

• Gagnrýnir kirkjuna fyrir „öfgar fram og til baka“
• Kostnaður við kynningarefnið tvær milljónir
• Augljóst að myndin hefur sært marga
• Ætlunin „hvorki að særa fólk né ofbjóða“

» Fleiri tengdar fréttir

• Blogga um frétt