Síðustu þrjá sólarhringa hefur slökkvilið höfuðborgarsvæðisins sinnt yfir 300 sjúkraflutningum. Þar af eru 64 forgangsflutningar og 56 COVID-19-flutningar. Gríðarlegt álag hefur verið á starfsfólk slökkviliðsins undanfarna daga því einnig hafa verið mörg útköll á dælubíla, þar á meðal vegna stórbruna á bílaverkstæði á Skemmuvegi í Kópavogi á laugardag.

Á miðvikudag sinnti dagvaktin 106 sjúkraflutningum sem sennilega er nýtt met hvað varðar fjölda flutninga að sögn varðstjóra.

Frétt af mbl.is

Mögulegt met í sjúkraflutningum

Að sögn varðstjóra í slökkviliði höfuðborgarsvæðisins var slökkviliðið kallað út í nótt vegna þess að öryggiskerfið fór í gang í Viðey og því þurfti að ræsa áhöfn Viðeyjarferjunnar út til að flytja slökkviliðsmenn út í eyjuna. Allt reyndist með kyrrum kjörum í eyjunni. 

Á áttunda tímanum í gærkvöldi var tilkynnt um eld á áramótabrennusvæði í Elliðaárdal. Fólk á vettvangi slökkti eldinn með eigin slökkvitækjum eftir að lögregla kom á vettvang að því er segir í dagbók lögreglunnar á höfuðborgarsvæðinu. 

Óskað var eftir aðstoð lögreglu í Hafnarfirðinum í gærkvöldi vegna vatnsleka úr íbúð á efri hæð húss en íbúi þeirrar íbúðar var ekki heima. Lögreglu tókst að hafa uppi á eiganda íbúðarinnar svo íbúar hússins gátu gert viðeigandi ráðstafanir.

Tengdar fréttir

Kórónuveiran Covid-19

„Áfall fyrir bæjarfélagið“

• Covid-19 aftur á skrið
• „Hefur ótrúleg áhrif á líf fólks“
• Landsvirkjun selur höfuðstöðvarnar
• Smitum fjölgar: Hópsýking kom upp á Landakoti

» Fleiri tengdar fréttir

• Blogga um frétt