Metfjöldi kórónuveirusmita í þessari bylgju faraldursins greindist innanlands í gær. Verið er að fara yfir tölurnar og verða þær gefnar út formlega klukkan 11. Þetta kemur fram í frétt RÚV en ekkert um hversu mörg smitin eru.

Samkvæmt heimildum fréttastofu RÚV hafa ekki greinst svo mörg smit hér á landi síðan í byrjun vors, þegar faraldurinn stóð sem hæst á Íslandi. Hæsta smittalan var 24. mars, þegar 106 manns greindust með veiruna, en það var einmitt sama dag og samkomubannið var sett á af fullum þunga í fyrsta sinn í lýðveldissögunni.

Síðan þessi bylgja hófst, sem miðar við 15. september, greindust mest 75 manns með veiruna, 18. september, en samkvæmt heimildum fréttastofu greindust töluvert fleiri en það í gær.

Frétt RÚV

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt