Tékkland er það land Evrópu þar sem flest ný smit eru á hverja 100 þúsund íbúa síðustu tvær vikurnar en Spánn hefur notið þess vafasama heiðurs í langan tíma. Ísland sker sig úr hvað varðar fjölda smita í ríkjum Norðurlandanna.

Alls eru 374,6 smit á hverja 100 þúsund íbúa í Tékklandi en 303,3 á Spáni. Í Hollandi eru smitin 285,4 og 257,2 í Frakklandi. Í Belgíu eru smitin 246 og Bretar hafa nú skotist upp fyrir Íslendinga en þar eru nú skráð 201,9 smit á hverja 100 þúsund íbúa en samkvæmt Sóttvarnastofnun Evrópu eru þau 195 talsins á Íslandi. Samkvæmt covid.is eru þau komin í 198,8 innanlands. 

Annars staðar á Norðurlöndunum eru smitin mun færri. Í Danmörku eru þau 109,4 en í Svíþjóð eru þau 65,8 miðað við hverja 100 þúsund íbúa. Í Finnlandi eru smitin 31,9 og Noregur rekur lestina með 30,6 smit á hverja 100 þúsund íbúa síðustu tvær vikur.

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

• Blogga um frétt