Aðgerðastjórn al­manna­varna á Norður­landi vestra ít­rek­ar það við íbúa svæðis­ins að ferðast ekki að óþörfu til og frá höfuðborg­ar­svæðinu. Ferðir til höfuðborg­ar­svæðis­ins og annarra svæða þar sem smit er út­breitt skulu tak­mark­ast við brýn­ustu nauðsyn. 

Þetta kem­ur fram í til­kynn­ingu á face­booksíðu lög­regl­unn­ar á Norður­landi vestra.

Í til­kynn­ing­unni eru íbú­ar svæðis­ins jafn­framt beðnir að taka fyr­ir­mæl­in al­var­lega. Með sam­stöðu megi halda kór­ónu­veirunni í skefj­um á svæðinu en ekk­ert kór­ónu­veiru­smit hef­ur greinst á svæðinu í þriðju bylgju far­ald­urs­ins. Þó eru þrír í ein­angr­un á Norður­landi vestra sem hafa þá vænt­an­lega smit­ast ann­ars staðar.

Þá eru íbú­ar höfuðborg­ar­svæðis­ins beðnir að ferðast ekki til Norður­lands vestra að óþörfu með vís­un í til­mæli sótt­varna­lækn­is.

Tengd­ar frétt­ir

Kór­ónu­veir­an Covid-19

„Eins og að vakna upp í allt öðru lífi“

• Rétt­inda­mál covid-sjúk­linga í lamasessi
• Hug­hreyst­andi bros á lækna­vakt
• Í fimm ára fang­elsi fyr­ir að hvetja til hryðju­verka
• Stefna Norðmenn rík­inu vegna bólu­setn­inga?

» Fleiri tengd­ar frétt­ir

• Blogga um frétt