Alls greind­ust  83 kór­ónu­veiru­smit inn­an­lands í gær. Þetta kem­ur fram á covid.is. Af þeim voru 49 (59%) í sóttkví þegar þeir greindust en 34 utan. Þrír bíða niðurstöðu mótefnamælingar eftir sýnatöku við landamæraskimun.

Af þeim sem greindust innanlands höfðu 64 farið í einkennnasýnatöku hjá Landspítalanum og Íslenskri erfðagreiningu en 1.372 slík sýni voru tekin í gær. 1.351 fór í sýnatöku vegna þess að viðkomandi var í sóttkví og reyndust 19 þeirra vera með Covid-19. 561 fór í landamæraskimun í gær.

Nýgengi innanlandssmita á hverja 100 þúsund íbúa síðustu tvær vikurnar er 253,9.

22 eru núna á sjúkra­húsi, þar af þrír á gjör­gæslu. 

920 af 1071 smituðum búsettir á höfuðborgarsvæðinu

Sam­tals er 1.071 í ein­angr­un eft­ir að hafa sýkst af veirunni, sem er fjölg­un um 49 frá því í gær.

Alls eru 3.436 í sóttkví og 1752 í skimunarsóttkví. Á höfuðborg­ar­svæðinu eru 920 í ein­angr­un og 3040 í sóttkví. Á Suður­landi eru 58 í einangrun og 105 í sóttkví.

Smit eru í öllum landshlutum en þau eru fæst á Austurlandi, 1. Þar eru fimm í sóttkví. Á Suðurnesjum eru 36 smitaðir og 144 í sóttkví. Á Norðurlandi eystra eru 12 í einangrun og 51 í sóttkví en á Norðurlandi vestra eru smitin 2 og 5 í sóttkví. Á Vestfjörðum eru 12 í einangrun og 13 í sóttkví. Á Vesturlandi eru 18 smitaðir og 33 í sóttkví. Óstaðsettir í hús eru 12 smitaðir og 34 í sóttkví.

101 barn yngri en 12 ára með Covid-19

Flest smit eru í aldurshópnum 18-29 ára eða 313 talsins. Næstflest á aldrinum 30-39 ára eða 188 og 148 einstaklingar á fimmtugsaldri eru með staðfest Covid-19 smit núna. Á aldrinum 50-59 ára eru smitin 123 talsins og 86 á aldrinum 60-60 ára. 56 smit eru meðal fólks sem er komið yfir sjötugt.

Börn yngri en eins árs sem eru í einangrun vegna Covid-19 eru tíu talsins, 24 börn á aldrinum 1-5 ára og 67 börn á aldrinum 6-12 ára. Á aldrinum 13-17 ára eru 56 smit. Það þýðir að 157 börn yngri en 18 ára eru smituð í dag af Covid-19. Af þeim er 101 barn yngri en 12 ára.