Allt að 50 manns hafa í þessari viku komið á dag í sýnatökur vegna kórónuveirunnar hjá Heilbrigðisstofnun Suðurlands, en þær fara nú fram í kjallara verslunarhúss Krónunnar á Selfossi.

Hægt er að aka inn í húsið og aldrei þarf fara út úr bílnum. Heilbrigðisstarfsfólk í hlífðarfötum kemur svo og tekur sýni, að því er fram kemur í Morgunblaðinu í dag.

„Þetta er frábær aðstaða. Áður fóru sýnatökurnar fram hér á baklóð byggingar sjúkrahússins á Selfossi og voru undir berum himni. Biðraðirnar voru oft langar og trufluðu jafnvel aðra umferð. Nú höfum við skjól í húsi fyrir sýnatökurnar og þetta er eins og best verður á kosið,“ segir Margrét Björk Ólafsdóttir, hjúkrunarforstjóri á Selfossi.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir