Það eru vonbrigði að þurfa að tilkynna ákvarðanir um hertar aðgerðir, segir Áslaug Arna Sigurbjörnsdóttir dómsmálaráðherra í færslu á facebooksíðu sinni í kvöld. Hún segir aðgerðirnar til þess fallnar að ná tökum á faraldrinum eins skjótt og hægt er.

„Staðreyndin er einfaldlega sú að þær aðgerðir sem hafa verið í gildi að undanförnu eru ekki að virka sem skyldi. Mikilvægt er að bregðast við því en um leið verður að fara eins varlega í sakirnar og mögulega er unnt,“ segir hún.

Hún segir einu kostina í stöðunni hafa verið að annaðhvort hafa aðgerðir „sem eru ekki að virka“ í lengri tíma eða „grípa til nokkuð afgerandi takmarkana í tiltölulega skamman tíma sem við teljum að geti orðið árangursríkar og gert það að verkum að þjóðlífið geti færst í eðlilegra horf í tæka tíð fyrir jól og áramót“.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt